Z Drjowka/Drebkau. Wjednica drjowkojskego muzeja „Serbska tkajaŕska śpa“, Doreen Hajašowa (Haiasch), jo zajźonu njeźelu wótwóriła lětosnu jatšownu wustajeńcu pód motom „Sorbisch bunt/Serbski pyšne“ w muzeju Serbska tkajaŕska śpa w Drjowku, pśed jadnab 25 zajmcami. Toś to moto źo slědk na jeje cas ako sobuźěłaśeŕka Błośańskego muzeja na Lědach. Tam su jej pyšne drastwine źěle pokazali, kaka pyšna ta serbska kultura jo a to jo wóna pśenjasła na wustajeńcu. Mimo pyšnych jatšownych jajow, wupyšnjone we wšakich technikach z a zwenka Łužyce, su drastwiny źěle wustajone, ako teke informaciske tofle, kótarež wó wósebnosći drastwow informěruju.

Ako kužde lěto, stajiju se wósebne jatšowne jaja do fokusa. Tenraz na pśikład wót wósoby, kótaruž znajomy ako muzikarja, ale skerjej njezna- jomy ako wuměłca za mólowanje jatšownych jajow. Weto jo jadno z jogo jajkow drogu do wobšyrneje zběrki Lotara Balka, załožowarja muzeja namakało. To grono jo wót Geralda Šejna. Gaž sćo narske, móžośo jatšownu wustajeńcu wałtoru do njeźele a teke jatšowne pónjeźele, zeger 13:00 do 17:00, až do 4. maja woglědaś.