Droga k slěpjańskej šuli dej wěsćejša wordowaś

Mjazy Źěwinom (Groß Düben) a Slěpym dej skóro nastaś nowa, drogu pśewóźujuca sćažka za kólasowarjow. Wobej gmejnje na tom źěłatej. „Hyšći 2025 dej stojaś planowanje a dej se to wupisaś. 2026 dej slědowaś realizacija“, jo wujasnił Steffen Seidlich, slěpjański wjednik amta za planowanje, twarjenje a górnistwo, na slědnem pósejźenju rady. Ta sćažka za kólasowarjow njejo jano za turistow wažna, ale teke za wšedny wobchad a za wuknikojski wobchad. Tak mógu wukniki ze Źěwina mimo wětšych problemow do Slěpego k Nimsko-serbskemu šulskemu centrumoju pśiś. Pśiducy kšac jo, až se pšosba za pśetwórjenje góle pśi krajnem amśe Zgórjelc stajijo. Ta pšosba buźo teke zakład za wopowěsć wó spěchowańskich srědkach.

W Nowem Miłorazu nastanjo plěwaŕnja