Z Budyšyna/Bautzen. Pśisamem sto luźi, mjazy nimi 35 online, jo zajźony stwórtk prědnej lětosnej serbskej debaśe w zalu budyšyńskego Serbskego doma slědowało. Direktor Sakskeje krajneje centrale za politiske kubłanje (SLB), dr. Roland Löffler, jo witał zajmcow pó łońskem rěźe zarědowanjow k „drugej stafli“ a jo se źěkował sobuorganizatoram – Serbske Nowiny, Załožba za serbski lud a Serbski institut – za „rědne partnaŕstwo“. Pó tom stej moderatorce dr. Lubina Malinkowa a dr. Theresa Jacobsowa režiju pśewzełej. Tema wjacora jo była „Nowopowědarje: Wutšobnje witane?! 100.000 serbski powědajucych a kak dalej?“ nawězujo na optimistisku wiziju Domowiny a jeje projekt ZARI za rozšyrjenje serbšćiny až do lěta 2100.