Kótare temy wopśimjejo jatšowne wudaśe Płomjenja?

W aprylskem Płomjenju dominěruju, se wě, jatšowne temy. Pókšacujomy z drugim źělom wulicowanja „Głažany jatšowny pókład“, kenž stoj k dispoziciji teke za wótsłuchanje. Teke pśi memory, wokablowych kórtkach abo zwucowanjach njefeluju słowa, kótarež su zwězane z jatšami. Wušej togo móžomy se wjaseliś na artikele wokoło serbskich jatšownych nałogow ako jatšowne rejtowanje, jatšowny wogeń a jatšowne spiwanje. Mimo togo změju źiśi skóro w prozninach zawěsće wěcej casa, na pśikład za baslenje. Dla togo teke w Płomjenju mamy rědny tip za was. Kak móžośo lažko jatšowne wuchace wubasliś? To wam pokažomy kšac pó kšacu. Z takimi něžnymi wuchacami móžośo waš dom rědnje wupyšniś.

W prozninach familije cesto teke droguju. Móžośo cytaŕkam a cytarjam jadno zajmne městno pśirucyś?