28. februar togo lěta jo był zaHaneloru Handrekojc z Mósta wjelgin wažny a wósebny źeń. Ako dłujkolětna redaktorka, moderatorka a reportarka bramborskego serbskego radija rbb jo ga pó 25 lětach ten źeń slědny raz sejźeła za mikrofonom w domje rbb na Barlinskem naměsće w měsće. Nanejmjenjej ako pśistajona a zapłaśona sobuźěłaśerka dolnoserbskeje rozgłosoweje redakcije.

Źo zachopiś, gaž coš pisaś wó Hanelorje Handrekojc? Nejlěpjej ze znatym serbskim spiwom „Doma, doma rědnje jo“. Tu štucku ga wóna wjelgin lubujo a cesćej jo wóna ju pśipowěźeła w serbskem radiju a z tym młogim wjelike wjasele do domu pósłała.