Štorm Xavier jo pśedslědny tyźeń wót stwórtka do soboty teke w Łužycy mócnje duł a změstymi wjeliku škódu napórał. Nejwěcej wobuze su měli luźe, ak su kśěli kóńc tyźenja ze śěgom do Barlinja abo z Barlinja slědk do Łužyce drogowaś. Rozmjej: regionalny śěg RE2 njejo až do wałtory jězdźił, pśeto wětš a padnjone gałuzy su zezrywali zeleznicowe elektriske droty. Pasažěram jo wordowało pśiraźone, až deje ze śěgom dlejšu drogu pśez Frankford jěś – což warnujo štundu dlej ako rownu smugu pśez Lubin.

Teke gólnikarje a wobsednikarje góle su měli źěło. Pśisamem na wšyknych gólskich drogach a tonjach su lažali změstymi pśewalone bomy, a gólne źěłaśerje su trjebali pěś dnjow, aby je zasej zrumowali – jo nam wulicował běliński gólnikaŕ Romeo Budaŕ.

W měsće, na Serbskej gasy ned pśi Rynku (Starych Wikach) jo mócny wětš pśechyśił śěžke zelezne a głažane wobzacynjenje za gósći kjarcmy American Diner. Ten głažk jo był wšen do drobnych kus-kow zrozbijany.