Z Turnowa. Tu ideju jo měł flejšaŕ na wuměńku Fryco Šwjela (Schwella): až ceptarjeju Günther Erdmannoju, ako jo wjele źaset lět w turnojskej zakładnej šuli wucył, dej se dostaś wósebna cesć. A wón jo pytał a namakał jadnu zwěstkarku: Christine Zemišowu (Semisch) z Drjenowa. Wóna jo kamjenjarka a jo jaden kamjeń pósćiła, ku kótaremuž jo wordowała cesna tofla k spomnjeśu na Erdmanna pśišrubowana. Na 3. oktoberu jo kamjeń z toflu wordował na dwórje turnojskeje šule dostojnje wuswěśony a prědny raz zjawnosći prezentěrowany.

Erdmann jo ceptarił tudy wót lěta 1948. Wón jo był wusoko naglědany a wobydlarje su měli pśed nim wjeliki respekt. Wóni su cesćili jogo fachowu kompetencu, dla „bliskosći k ludoju“ su jogo lubo měli.