Slěpe/Schleife. Wósebna cesna gromada jo se zejšła stwórtk tyźeń w „sportowej klawzy“. Góźba k tomu jo nastała pśez prědkstojarja Slěpego Wolfganga Goldsteina – rozmjej, wón jo pśepšosył angažěrowane wobydlarje, kótarež se pilnuju na wšych móžnych pólach k lěpšemu jsy a wobydlarjow. Wjerašk togo wjacora jo było pósćenje Slěpjańskego cesnego myta, ak jo było stajone pód motto: žywjenje za Slěpe. To cesne myto wejsneje rady jo wordowało pósćone k tśeśemu razoju, a to cesćenje dej za wótmyslenim rady byś wótněnta tradicija.