Za swóju gódownicu dnja 2. decembra su se źiśownice a starjejše tych źiśi, ako chójźe do janšojskeje źiśownje „Lutki“, něco rědnego wumyslili. Na ranem wótpołdnju jo bog (Weihnachtsmann) małym južo grajki wobraźił za swóje kupki. Hortowe źiśi, jich jo 55 było, su se wudali na wulět. Zapšawym stej to byłej dwa wulěta. Jadna kupka jo jěła na bowling do turjańskego „Christinenhofa“. Druga kupka jo jěła do města a jo se we kinje woglědała źiśecy film „Paddington 2“.

We tom casu, ako źiśi su duce byli, su starjejše a wótkubłarki pilne byli a su budki natwarili za kulturny program a grilowanje jěšnickow. Teke wó swěckatu šnorku, šklě za wogeń, pśicynki za kijaškowy klěb a punš pśigótowali. Wšykno jo było swětosnje wupyšnjone. Pó swójima wulětoma su źiśi slědk pśišli k źiśowni. Něnto su cakali na boga! Jogo su wuwitali z połnym wózykom. Nježlic až bog jo wobraźił, su hortowe źiśi akkordeonoweje kupki rozwjaselili wšykne z gódownymi melodijami.

Zgromadnje su źiśi spiwali.

Bog teke njejo zabył wótkubłarki, ako su cełe lěto pilne byli, a šołtu Helmuta Badtkego.