Ceły muzeum na Lědach jo był za gódy rědnje wupyšnjony.
K prědnemu a drugemu adwentoju jo był we wustawadlišću cołnow w Lubnjowje, w muzeju na Lědach a na Rěce mjazy wobyma taki nawal, wjeliki ruš tak ako w nejlěpšem casu błośańskeje sezony. Pód motom „Dwa marka – jadno cołnowanje“ (Zwei Märkte – eine Kahnfahrt) ga su tam město Lubnjow, Błośański muzej Lubnjow/Lědy, cołnarje, serbske towaristwo „Rubiško“ a druge wugótowali na styrich dnjach lětosny gódowny mark, kenž jo był tenraz tšochu hynakšy ako w drugich lětach. A to jo pśiwabiło wjele, wjele towzynt nar-skich woglědari – nic jano z Błotow a Dolneje Łužyce, ale teke z drugich stron Nimskeje a młogich dalšnych krajow. Město Lubnjow a młoge drogowańske běrowy ga běchu mócnje za to wabili, a tak jo se te styri dny tam mjerwiło z awtami a z wjele busami.