Z Kórjenja/Kahren. Serbska pśirada ewangelskeje cerkwje jo kóńc měrca tudy na farje wobradowała. Wóni wiźe swój głowny nadawk we kšuśenju a mócowanju serbskeje rěcy w cerkwinem žywjenju. A maju wótmyslenje, wšyknym wósadam we serbskej Łužycy pśiraźiś, aby nosyli oficielne serbske mě. Za dobru prědkbildu naglědaju Nimsku (abo Wušu) cerkwju w měsće: Tam pśi źurjach wisy dwójorěcna tofla a laže serbske flyery – pišo nam dr. Hartmut Leipner, pśedsedaŕ Towaristwa za serbsku rěc w cerkwi.

Za jogo powěsću su se rozgranjali teke dla kontaktow k ewangelskej cerkwi we pólskem źělu Łužyce. W juniju buźo wósadne zmakanje we měsće Jawor/Jauer, na kótaremž kśě se wobźěliś. Chtož co sobu pśiś, dej se pśipowěźeś pla gołkojskego fararja Klausa Natho.

Pśi góźbje 300lětnego jubileja wudaśa Fabriciusowego katechizmusa kśě srjejź junija sobuorganizěrowaś pólsko-serbsku namšu w Žarowje. Towaristwo buźo bus k dispoziciji stajiś.

Na wobradowanju su se wobźělili zagronite za serbske cerkwine źěło a teke zastupniki wjednistwa cerkwje.

*