Srjejź septembera jo dešańska młoźina se zmakała, aby wili plětwy cesnym wrotam a štrykoju za swajźbu. Wšykno za něgajšnego cłonka młoźiny, kótaryž buźo se pśiducu sobotu ženiś. To jo tradicija, až młoźina wijo plětwy za swajźbarski pórik, za to dajo jězu a piśe a wóni mógu pśiswajźbu (Polterabend) swěśiś. Cesne wrota, wupyšnjone ze zelenymi plětami, budu pśi cerkwi stojaś, a štryk buźo na źurjach njewjesty wisaś. Wrota a štryk muse se z běłymi a lylowymi struskami z krepa (Krepp) pyšniś. Take stej nawóženja a njewjesta to sebje žycyłej.