We ortodoksnej abo pšawosławnej cerkwi, mjazy drugim w Rusojskej, Serbiskej a Makedońskej, swěśe gwězdku akle na 6. januarje, a Bóže naroźenje na 7. januarje. To se maka ze starym julianskim kalendarjom, kótaryž jo płaśeł we cełej Europje až do 16. stolěśa. Nowy, gregorianski kalendaŕ jo pśesuwnuł gódy wó tśinasćo dnjow naslědk. Togodla njeswěśe se gódy źinsa wšuźi we tom samem casu. (Pólska jo to nowe, gregorianske casa-licenje pśiwzeła ned we lěśe 1582, Česka 1584, Pšuska 1612 a Grichiska akle w lěśe 1923).

Kaž w Rusojskej, tak teke w Serbiskej worduju gódy tśi dny dłujko swěśone. Na prědnem dnju swěśe Jezusowy narod, na drugem dnju cesće Mariju, Bóžu maś, a na tśeśem spominaju na swětego Šćepana, prědnego martrarja za kśesćijańsku wěru.

Dwě wěcy symblizěrujotej gódy w Serbiskej: badnjak a česnica.