Towaristwo „Spěchowański kruh (krejz) za serbsku ludowu kulturu“ w Budyšynje jo wupisało wuběźowanje, źož pyta za nejrědnejšym jatšownym jajom. To wuběźowanje buźo lětosa 66. raz.

Chtož rad a derje pyšni jatšowne jaja, móžo dwě jaji wótedaś abo pósłaś na Serbsku kulturnu informaciju w Budyšynje abo Chóśebuzu (Lodka). W srjejźnej Łužycy móžośo je donjasć do běrowowu Domowiny w Slěpem na Měrowej droze 65 abo we Wórjejcach na Drježdźańskej droze 18. Slědny móžny termin, źož móžośo te jaja wótedaś, jo srjoda, 24. apryla (to jo srjoda mjazy jatšami a małymi jatšami).

Dejśo hyšći groniś abo pśipisaś k tomu Wašo mě a adresu a starstwo. Wšak buźo to wumytowanje se staś w kupkach, ako su zrědowane pó starstwje.

Glědajśo na to, až jano cysće wudute jaja budu se pógódnośiś. Jaja móžośo wupyšniś we tych styrich tradicionelnych serbskich technikach.