Wurězk knigłow z mjenjami z Drjenowa. To jo jano jadna wót wěcej ako 90 jsow chóśebuskego wokrejsa, kótarež Šwjela jo pśechójźił a jich mjenja wót wejsanarjow wuzgónił. Wóni wšykne namakaju se we jogo knigłach. 
Gaž Ludowe nakładnistwo Domowina wudajo nowe knigły abo kniglicki, wšojadno kake, ga maju wóni za wětšy źěl swóju zjawnu premjeru – w Budyšynje, w Chóśebuzu abo tam, źož to, což se pišo, jo doma. Naše dolnoserbske knigły, ako serbske nakładnistwo jo lětosa wudało, taku pšawu premjeru pak njejsu měli. Dla cog nic? Dokulaž ta nowinka, ta nowosć, pópšawem njejo nowa, njejo prědny raz śišćana. To grono jo wó knigłach Stronine mjenja Chóśobuskego wobcerjenja / Die Flurnamen des Kreises Cottbus. A te buchu 1958 prědny raz śišćane a wudane, w Akademie-Verlag w Barlinju z titelom Christian Gotthold Schwela (†) / Die Flurnamen des Kreises Cottbus.
pětk, 26.04.2024
