Z Dešna/Dissen. W drugem měrcojskem tyźenju njejsu hyšći pla nas napšawy płaśeli, ako je něnto mamy. Tak jo se srjodu, 11. měrca, ceło pó planje wótměła ta zjawna prezentacija projekta „Walorizacija imaterielnego kulturnego derbstwa Dolneje Łužyce w nimsko-słowjańskem konteksće“ w Domowniskem muzeju Dešno.
Pó pówitańskich a zawjeźeńskich słowach Babette Zenkeroweje (Domowniski muzej), jo Lutz Laschewski powšykne informacije k projektoju walorizacije prezentěrował. Wón jo docent na BTU, na katedrje za sociowědomnostne wobswětowe pšašanja, a pódpěrujo we tom projekśe Serbski institut ako eksterny sobustatkujucy.
Dalšne powědarje su byli ten źeń Kathrin Šwjelina (Domowniski muzej), Frank Kosyk (Domowina) a wót Serbskego instituta Fabian Jacobs, Hauke Bartels, Robert Lorenc a Pětš Šurman.
Wusměrjenje na turizm a góspodaŕstwo – nic jano
