Z Města/Cottbus. W kategoriji „Specials“ filmowego festiwala, su zachadny pětk pokazali projekt „Auf der Suche“ wót režisera Erika Schieska. We wjelikej słucharni Bramborskeje techniskeje uniwersity (BTU) stej wón a Olaf Pöschk pśedstajiłej ten interaktiwny film.

Projekt jo měšańca z grajnego filma a kompjuterowego graśa. Na webboce https://aufdersuche.de/ mógu zajmce jen „graś“ a, pó principje „point-and-click“, rozsuźiś wó akcijach protagonista. Jomu se groni Lukas Zimmer, kenž źěła ako nowy redaktor casnika Lausitzer Rundschau (LR). W archiwje starcy wón na wózjawjenje smjerśi wót lěta 1986 ze swójim mjenim. Gromaźe z kopicu dalšnych charakterow, musy wugódaś to mysteriozne pótajmstwo. Kulise jadnanja, ako tematizěrujo na pśikład žywjenje w DDR, górnistwo a kulturu w Dolnej Łužycy, su mjazy drugim medijowy dom LR, serbsko-nimski domowniski muzej w Janšojcach abo spuš-ćona wjas Haidemühl (Gózdź).