Kśě dotwariś kólasowu drogu

Awtor: Silvio Schmoger srjoda, 24. januar 2018
Kólasowa droga ma njezjapki kóńc niźi we źiwizni mjazy Smogorjowom a Prjawozom. Lětosa dej se wóna dotwariś, wót cogož njebudu jano šulske źiśi a wobsednikarje firmow profitěrowaś, ale tek wšykne kólasarje. Wužytne za turisty by było pśizamknjenje drogi z Prjawoza ku znatej Górkowej droze. Fośe: Silvio Smogoŕ

Ze Smogorjowa / Schmogrow. Tśi góletka su se tudy naroźili, wósy-mjo wejsanarje su wumrěli. Licba wobydlari jo wóstała stabilna, licyš-li sobu te luźe, ako su pśiśěg-nuli a pšec śěgnuli.“ To jo k wěsći dał smogorjojski zastojaŕ Jan Bostelmann na lětosnej woklapnicy w derje woglědanem sportar-skem domje pětk tyźeń. Pó tradiciji su gmejnske zastupniki a wobydlarje prědny pětk w nowem lěśe gromadu pśišli, aby stare lěto woklapali. K rozpšawjenju jo dało wjele. Tak jo wejsny zastojaŕ pokazał na dobre a pilne źěło towaristwow a wjeliku licbu kulturelnych wjeraškow. Wósebnje jo wuzwignuł swětosnosći k jubileumoju dobrowólneje wognjoweje wobory (95 lět) a muskecego chora „Wěńk spiwow“ (115 lět). Wjeliku rolu we wejsnem žywjenju grajo woplěwanje serb­skich nałogow. Młoźina źo camprowat, swěśi zapust z pśeśěgom, pśewjeźo žnjowny swěźeń ze zabijanim kokota a drugego wěcej na nogi stajijo. Wótžywiła jo drastwinu kjarmušu. W starem lěśe jo se stajił bom towaristwow na najsy, a to ako symbol za wšykne towaristwa a za jich źělbu na žywem wejsańskem žywjenju.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś